Saturday, September 25, 2010
ဝိပဿနာရှုရာ၌ ဃန ခံတယ်ဆိုတာ ဘယ်လိုဟာလဲ/ ဝိပဿနာ၌ ဃန ဘယ်နှစ်မျိုးခံရှိနေပါသလဲ
ဝိပဿနာရှုရာ၌ ဃန ခံတယ်ဆိုတာ ဘယ်လိုဟာလဲ
ဒကာ။ ။ ဝိပဿနာတရား ရှုပွားရာ၌ ဃနကို ကျေအောင် ရှုမှတ်ရမည်၊ ဃန မခံစေနဲ့ဟု ဟောပြောကြရာ ဃနဆိုတဲ့သဘောကို သိပါရစေဆရာတော်။
ဆရာ။ ။ ဃနဆိုတာ အစိုင်အခဲ အတုံးအတစ် ခိုင်မြဲသော အမာခံ သဘောတရားပဲ၊ ဝိပဿနာက ရုပ်နာမ်တို့၏ မခိုင်မြဲမှု အနိစ္စလက္ခဏာကို ရှုမှတ်ပွားများခြင်း သဘောပဲ၊ ဒီ မခိုင်မြဲတဲ့ရုပ်နာမ်တွေကို မပြိုမကွဲ ခိုင်မြဲတယ်လို့ ထင်မှတ်စွဲယူနေတဲ့ ဒိဋ္ဌိစွဲဟာ ဃနပဲ၊ အဲဒီ ဃန ခံနေရင် ဝိပဿနာဉာဏ် မဖြစ်နိုင်တော့ဘူး၊ ဒါ့ကြောင့် ဃနကျေအောင် ရှုမှတ်ပွားများတတ်ဖို့ လိုတယ်၊ ဃနဆိုတာ ဒိဋ္ဌိသဘောပဲ။
ဒကာ။ ။ ဃနတွေက အများကြီးပဲလို့ ဟောပြောနေကြပါတယ်၊ ဝိပဿနာ၌ ဃန က ဘယ်နှစ်မျိုးရှိလို့ ဘယ်လိုရှုမှတ်ပွားများရမှာလည်း ဆရာတော်၊ ဃနကျေအောင် ရှုပွားပုံနည်းကို နည်းနည်းလောက် ရှင်းပြပေးပါ ဘုရား။
ဆရာ။ ။ (၁) သန္တတိ ဃန = ပရမတ္ထ ဓမ္မဖြစ်တဲ့ အနိစ္စနဲ့ အနတ္တ သဘောမျှရှိတဲ့ ရုပ်နာမ်တို့၏ ဖြစ်ပျက်မှုအစဉ်က အလွန်အမင်း လျင်မြန်လွန်း၍ အကြားမရှိ အခြားမထင်တော့ဘဲ တပေါင်းတည်း တတွဲတည်း တခဲတည်း ဒီရုပ်ဟာ ဒီရုပ်ပဲ၊ သည်နာမ်ဟာလည်း သည်နာမ်ပဲလို့ ထင်မှတ်စွဲယူကာ ငါ ငါ့ဥစ္စာ ငါ့ဟာပဲ၊ ခိုင်တယ် မြဲတယ်လို့ ထင်နေတာဟာ သန္တတိ ဃန ခံနေတာပဲ။
(၂) သမူဟ ဃန = ဖဿ၊ ဝေဒနာ၊ သညာ စတဲ့ နာမ်တရားစု၊ ပထ၀ီ အာပေါ စတဲ့ ရုပ်တရားစုတို့ အပေါ်၌ တပေါင်း တစု တလုံး တခဲတည်းဟု ထင်မှတ်ရအောင် စုတွဲ၍နေတာကို မကွဲမပြား တသားတည်း စွဲယူထင်မှတ်ကာ အနတ္တ မထင် တာဟာ သမူဟဃန ခံနေတာပဲ။
(၃) ကိစ္စ ဃန = နာမ်ရုပ်တရားတွေဟာ သူ့ကိစ္စနဲ့သူ ဖြစ်ပျက်နေကြတာပဲ၊ စက္ခုရုပ်က ကြည့်မှုကိစ္စ၊ အဆင်းရုပ်က ထင်မှုကိစ္စ၊ စက္ခုဝိညာဉ်စိတ်က မြင်သိမှု ကိစ္စ၊ အဲဒါတွေကို ခွဲခြားမသိဘဲ စုပေါင်းကာ ငါမြင်တယ်လို့ တလုံး တခဲတည်း စွဲယူလိုက်တာဟာ ကိစ္စဃန ခံနေတာပဲ၊ အနတ္တကို မမြင်တော့ဘူး။
(၄) အာရမ္မဏ ဃန = ရူပါရုံကို မြင်သောအခါ (ပထ၀ီ၊ အာပေါ၊ တေဇော၊ ၀ါယော၊ ၀ဏ္ဏ၊ ဂန္ဓ၊ ရသ၊ သြဇာ) အဋ္ဌကလာပ်၌ ပါဝင်သော ရုပ်တို့ကို ခွဲခြားမသိဘဲ တစုတပေါင်းတည်း တလုံးတစည်းတခဲတည်း စွဲယူထားခြင်းကို အာရမ္မဏ ဃန ခံနေတယ်လို့ ဆိုတယ်၊ အဲဒါတွေဟာ အနတ္တလက္ခဏာကို ဃန ဖုံးတာပဲ။
အထူးသဖြင့် ပရမတ်တရားတို့၏ သူ့သဘောနဲ့သူ ဖြစ်ပျက်နေတဲ့ သဘာဝဓမ္မအစစ်ကို ခွဲခြားမသိနိုင်အောင် တလုံး တစု တခု တခဲတည်း ထင်မှတ်ရအောင် လျင်မြန်စွာ ဖြစ်ပွားနေခြင်းကို သန္တတိဃန၊ သမူဟဃန၊ ကိစ္စဃန၊ အာရမ္မဏဃန ဟု ခေါ်ဆိုတာပဲ၊ ခွဲခြားပြီး သိဖို့က လူပြိန်းတို့အတွက် ခက်တယ်၊ ပရမတ္ထအသိနဲ့ ဉာဏ်အမြင်ရောက်အောင် နာယူသင်ကြားကြပါနော်….ဒါပဲ၊ ပညာရှိ ဆရာကောင်းလိုတယ်။
ဒကာ။ ။ မှန်ပါ့၊ ဒါလောက်သိရတာပဲ ကျေးဇူးများလှပါပြီ ဆရာတော်၊ ပရမတ္ထဓမ္မအနတ္တလက္ခဏာဆိုက်အောင် ကြိုးစားသင်ကြားပါမည် ဘုရား။ အလွန် ခက်ခဲ နက်နဲတဲ့ တရားဓမ္မတွေမို့ အာစရိယနဲ့ မကင်းကောင်းကြောင်း သိကြပါတယ် ဘုရား။
Tuesday, September 21, 2010
အာဏာစက် ဓမ္မစက်ဆိုတာ ဘာတွေကိုခေါ်တာလဲ/ အာဏာစက်က ဘယ်မင်းလက်ထက်မှာ စတင်ပေါ်လာတာလဲ
အာဏာစက် ဓမ္မစက်ဆိုတာ ဘာတွေကိုခေါ်တာလဲ
ဒကာ။ ။ အာဏာစက်ပါမှ သာသနာတော်ကို ပြုလို့လွယ်ကူတယ်၊ ဓမ္မစက်သက်သက်နဲ့ဆိုရင် သာသနာပြုလို့ခက်တယ်၊ တိုးတက်စည်ပင်မှု မလျင်မြန်နိုင်ဘူးလို့ ဟောပြောနေကြတာ အာဏာစက်နဲ့ ဓမ္မစက်တို့ရဲ့ အနက်အဓိပ္ပါယ်ကို ရှင်းပြပေးပါဆရာတော်။
ဆရာ။ ။ (၁) ဓမ္မစက် ဆိုတာက မြတ်စွာဘုရားရှင်တို့ရဲ့ လက်သုံးတော်၊ တပည့်သာဝကတို့ရဲ့ ခံယူချက် လက်သုံးတော်ဖြစ်တဲ့ မေတ္တာနဲ့ ခန္တီတရားများ ဖြစ်တယ်။
သတ္တ၀ါများအပေါ်မှာ ချစ်ခြင်းမေတ္တာဓာတ် ဘယ်တော့မှ မပျက်ပြယ်ဘူး၊ ဘယ်လောက်ပဲ ကျူးလွန်ပြစ်မှားပလေစေ ရန်တုံ့ပြန်မှု မပြုဘူး၊ အမြဲသည်းခံတော်မူကြတယ်။
အဲဒါ့ကြောင့် ဓမ္မစက်က သိမ်မွေ့တယ်၊ နူးညံ့တယ်၊ ခက်ခဲနက်နဲတယ်၊ သတ္တ၀ါတိုင်း မကြောက်ကြဘူး။
(၂) အာဏာစက် ဆိုတာက ကြမ်းတမ်းတယ်၊ ခက်ထန်တယ်၊ မလိုက်နာရင် အပြစ်ဒဏ်နဲ့ ထိခိုက်စေတယ်၊ ဒါ့ကြောင့် အာဏာစက်ကို သတ္တ၀ါတိုင်း ကြောက်ရွံ့ လိုက်နာကြတယ်။
အဲဒါ့ကြောင့် မြတ်ဗုဒ္ဓရဲ့ သာသနာကို ပြုတဲ့ လုပ်ငန်းမှာ အာဏာစက် လက်ကိုင်ရှိတဲ့ လူမင်း နတ်မင်းတို့၏ အကူအညီကို ရယူကာ ပြုစုစောင့်ရှောက်တော်မူကြတာဖြစ်တယ်။
အာဏာစက်က ဘယ်မင်းလက်ထက်မှာ စတင်ပေါ်လာတာလဲ
ဒကာ။ ။ ဓမ္မစက်ကိုတော့ မြတ်စွာဘုရားသခင်၏ တရားရေအေး အမြိုက်ဆေးဆိုတာ သိရပါပြီဆရာတော်၊ အာဏာစက် ဆိုတာက ဘယ်အချိန် ဘယ်ကာလ ဘယ်မင်းလက်ထက်တော်က ပေါ်လာတာပါလဲ ဘုရား။
ဆရာ။ ။ အင်း…အာဏာစက်ဆိုတာက မြတ်စွာဘုရားသခင် တရားဟောတော်မူဖို့အတွက် သဟမ္ပတိ ဗြဟ္မာမင်းကြီး မြတ်ဘုရားထံ လာရောက် တောင်းပန်တဲ့ အခါတုန်းက သိကြားမင်းကလည်း ဗြဟ္မာမင်းကြီးနဲ့အတူ ပါလာတယ်။
အဲဒီအခါတုန်းက ဗြဟ္မာမင်းကြီးရော သိကြားမင်းကပါ အရှင်ဘုရားတို့ တရားဟောတော်မူကြပါ၊ အရှင်ဘုရားတို့၏ တရားသော ဓမ္မများကို မလိုက် မနာ မဖြေ မကြား ထော်လော်ကန့်လန့် ပြုလုပ်နေသူများအား တပည့်တော်က အာဏာစက်ဖြင့် လိုက်နာအောင် ပြုလုပ်ပေးပါမည်၊ အရှင်မြတ်တို့ဘက်က ဓမ္မစက်ဖြင့် ပြုတော်မူကြပါကုန်၊ တပည့်တော်များဘက်က အာဏာစက်ဖြင့် စောင့်ရှောက် ကူညီပေးပါမည်လို့ တာဝန်ယူကာ ပဋိညာဉ်ပြုခဲ့ကြတာ ရှိတယ်၊ ဒါ့ကြောင့် အာဏာစက်ဟာ အဲဒီလက်ထက်အခါက စ တင် ပေါ်လာတာပဲ။
မြတ်စွာဘုရား၏ တရားသော ဓမ္မအမေးများကို မဖြေကြားဘဲ ထော်လော်ကန့်လန့် လုပ်နေတဲ့ သစ္စက ပရိဗိုဇ်ကြီးတို့၊ အမ္ဗဋ္ဌလုလင်တို့ကို သိကြားမင်းကိုယ်တိုင် ဘီလူးကြီးအသွင်ဆောင်ကာ ဘုရားမြတ်၏အမေးစကားကို မဖြေကြားဘဲနေလျှင် သင့်ဦးခေါင်းကို ခုနစ်စိတ် ခွဲပစ်မည်ဟု ကြိမ်းဝါးကာ ကူညီပေးတာပေါ့။ ကဲ….ရှင်းရဲ့လား။ လူမင်းဖြစ်တဲ့ အဇာတသတ်တို့၊ အသောကရာဇာတို့လည်း အာဏာစက်နဲ့ ကူညီကြတယ်။
ဒကာ။ ။ ရှင်းလင်း ကျေနပ်လှပါတယ် ဆရာတော်၊ သာဓကတွေကလည်း ကောင်းမြတ် လုံလောက်လှပါတယ် ဘုရား။
ဣရိယာပုတ်လေးပါးတို့တွင် ဘယ်ဣရိယာပုတ်ကို ဘုရားရှင် ကြည်ညိုလေးစားပါသလဲ
ဣရိယာပုတ်လေးပါးတို့တွင် ဘယ်ဣရိယာပုတ်ကို
ဘုရားရှင် ကြည်ညိုလေးစားပါသလဲ
ဒကာ။ ။ တရားဓမ္မ အားထုတ်မှတ်သား ပွားများတဲ့အခါ ထိုင် ရပ် လျောင်း သွား လေးပါးသော ဣရိယာပထတို့တွင် ဘယ်ဣရိယာပုတ်ကို မြတ်စွာဘုရား ကြည်ညိုလေးစားတော်မူပါသလဲ ဆရာတော်၊ ကျမ်းဂန်နဲ့ ထုတ်ဆောင်ပြပေးပါဘုရား။
ဆရာ။ ။ အင်း…လေးဝသော ဣရိယာပထတို့တွင် တရားအားထုတ်သောအခါ ကြည်ညိုဖွယ်ရာ ဣနြေ္ဒသိက္ခာအပြည့်ဝဆုံး ဣရိယာပထကို တပါးစီ စစ်ဆေးကြည့်ရှုရအောင် နားထောင်ပါ။
၁။ စင်္ကြံသွားသော ယောဂီ၏ ခြေ လက် ဦးခေါင်း စတဲ့ ကိုယ်အင်္ဂါများဟာ လှုပ်ရှားနေတယ် မငြိမ်သက်ဘူးတဲ့။
၂။ ရပ်တည်နေသော ယောဂီ၏ ကိုယ်ဒြပ်သည် တောင့်တောင့်မတ်မတ် ခိုင်ခိုင်ကြီး ဖြစ်နေတယ်တဲ့။
၃။ ကိုယ်ကို လျောင်းလျက် အိပ်စက်နေသော ယောဂီ၏ ကိုယ်ကာယသည် နှစ်သက်ကြည်ညိုဖွယ် မရှိလှချေတဲ့။
၎။ တင်ပါးနှစ်ခုကို ပလ္လင်ခံထိုင်လျက် ပေါင်နှစ်ချောင်းနဲ့ သလုံးမြင်းခေါင်း ခြေချောင်းနှစ်ဖက်တို့ကို ထက်ဝယ်ဖွဲ့ခွေကာ ခါးရိုးကျောဆစ်များကို မတ်စွာထား၍ ထိုင်နေသော ယောဂီ၏ ထိုင်ခြင်း ဣရိယာပုတ်သည်သာ မြင်ရသူတိုင်း တင့်တယ်၍ ကြည်ညိုဖွယ်ဖြစ်လေသည်တဲ့။
ဒါ့ကြောင့် ဣရိယာပုတ်လေးပါးတို့တွင် တင်ပလ္လင်ခွေထိုင်နေခြင်း ဣရိယာပထကိုသာ မြတ်ဘုရားနဲ့ မြင်ရသူ နတ်လူအများတို့ကပါ ကြည်ညိုလေးစားကြလေသည်လို့ မှတ်ရမည်တဲ့။
ကျမ်းဂန်အထောက်အထားကတော့ ပက္ကုသာတိမင်းကြီးနဲ့ ဗိမ္ဗိသာရမင်း နှစ်ပါးတို့ ချစ်ကြည်ရေး ဇာတ်လမ်း တရားတော်မှာ မြတ်စွာဘုရားသခင် ကိုယ်တော်မြတ်သည် ညသန်းခေါင်ယံကာလ ကယ်တင်ချွတ်ချေရမည့် သတ္တ၀ါကို ဉာဏ်တော် ကွန်ယက်ကို ဖြန့်လျက်ကြည့်ရှုတော်မူသောအခါ…..
ဘဂ္ဂ၀အိုးထိန်းသည် အိုးလုပ်ရာ တည်ခိုးရေးဌာန၌ ခြေ လက် ဦးခေါင်းတို့ လှုပ်ရှားခြင်း လုံးဝကင်းလျက် တင်ပလ္လင်ခွေထိုင်ကာ ရွှေဆင်းတုရုပ်ပုံပမာ (အာနာပါန စတုတ္ထဈာန်ကို ၀င်စားကာနေရှာသော) ပက္ကုသာတိ အမျိုးကောင်းသား ဘုရင်မင်းတရားကို မြင်တော်မူသော မြတ်စွာဘုရားသခင် ကိုယ်တော်မြတ်၏ စိတ်တော်ဓာတ်ဝယ် ဤပက္ကုသာတိ အမျိုးကောင်းသားသည် ကြည်ညိုဖွယ်ကို ဆောင်သော ဣရိယာပုတ်ဖြင့်ထိုင်နေ၏။ တင့်တယ်သပ်ရပ်လှပေ၏ ဟု ထင်မြင်ဖြစ်ပေါ်လာလေသည်တဲ့။
ဤနည်းပုံအတိုင်း အာနာပါန စတုတ္ထဈာန်ကို ၀င်စားကာ တင်ပလ္လင်ခွေ ထိုင်နေရှာသော ပက္ကုသာတိ အမျိုးကောင်းသား၏ ထိုင်နေပုံ ဣရိယာပုတ်ဖြင့်ပင် ကြည်ညိုတော်မူရကား မြတ်စွာဘုရားသခင်ကပင် စကားစတင် ပြောကြားဖို့ကို ဆင်ခြင်အားထုတ်တော်မူလေသည်တဲ့။ ကဲ…အဲဒါဟာ ကျမ်းဂန်အထောက်အထား သက်သေသာဓကများပါပဲဗျား၊ ဘာများပြောချင်သေးသလဲ။
ဒကာ။ ။ အားရ ကျေနပ် နှစ်မြို့စရာ အဖြေလွှာပါပဲ ဆရာတော်။
Saturday, September 18, 2010
လောကနိဗ္ဗာန် ဆိုတာ မှန်သလား၊ ဘယ်တင်း ဘယ်ဟာလဲ
လောကနိဗ္ဗာန် ဆိုတာ မှန်သလား၊ ဘယ်တင်း ဘယ်ဟာလဲ
ဒကာ။ ။ လောကနိဗ္ဗာန် လောကနိဗ္ဗာန်နဲ့ ပြောဆိုနေကြတာ မှန်ပါသလား ဆရာတော်၊ နိဗ္ဗာန်ဆိုတာ လောကုတ္တရာအစစ်မဟုတ်ဘူးလား၊ လောကီထဲမှာ နိဗ္ဗာန်တရားရယ်လို့ ရှိသေးသလား၊ ရှိရင်လည်း လောကနိဗ္ဗာန် တရားအစစ်ကို သိပါရစေ ဆရာတော်။
ဆရာ။ ။ အင်း….နိဗ္ဗာန်ဆိုတာ ဇာတိ မဖြစ်တဲ့ တရားပဲ၊ လောကီကုသိုလ်တရားနဲ့ ဇာတိ မဖြစ်အောင် လုပ်တာဟာ လောကနိဗ္ဗာန် လောကီနိဗ္ဗာန် အစစ်ပဲပေါ့။
ဒကာ။ ။ ဒီအဖြေလောက်နဲ့တော့ ဒကာကြီးတို့ နားမလည်ဘူးဆရာတော်၊ တပည့်တော်တို့ နားလည်အောင် လွယ်လွယ် တိုတိုရှင်းရှင်းနဲ့ လင်းပြပါဦး ဆရာတော်။
ဆရာ။ ။ အင်း….မေးတာက ခက်ခဲ နက်နဲ သိမ်မွေ့တဲ့ နိဗ္ဗာန်အကြောင်း၊ ဒါကိုပဲ လွယ်လွယ် တိုတိုနဲ့ ရှင်းရှင်းလင်းပေးရမည်ဆိုတော့ကာ အတိုနည်းကို သိနိုင်တဲ့ ဉာဏ်ရှိရင် ကောင်းပါတယ်၊ လွယ်လွယ်နဲ့ဆိုတာတော့ မဖြစ်နိုင်ဘူးပဲ။
နိဗ္ဗာန်ဟာ သမ္မာဒိဋ္ဌိဘာသာဝင်တို့ရဲ့ အမြတ်ဆုံး အထွတ်အထိပ်ဖြစ်တဲ့ ရည်မှန်းချက် လမ်းဆုံးပန်းတိုင်ကြီးပဲ၊ ဒီဌာနလမ်းမကြီးကို လွယ်လွယ်တိုတိုကလေးနဲ့ ရောက်နိုင်ရင် တန်ဖိုးမရှိသော မခက်ခဲ မနက်နဲသော ရေပေါ်ရေလျှံ သဘောတရား အပေါစား ဖြစ်သွားမှာပေါ့။
ဒကာ။ ။ မှန်ပါတယ် ဆရာတော်၊ ရှည်ရှည်လျားလျား ပါဠိတွေ အများကြီးနဲ့ ထည့်ပြီး ပြောကြားနေရင် တပည့်တော်တို့ အသိရခက်မှာစိုးလို့ အသိရလွယ်တဲ့နည်းနဲ့ ဖြေကြားဖို့ကို လျှောက်ထားကြတာပါဘုရား။
ဆရာ။ ။ ကိုင်း…ဒီလိုဆိုရင် တိုတိုနဲ့ ရှင်းရှင်းပဲ၊ အလင်းရောင်ရအောင် ပြောကြားပါမည်၊ ဉာဏ်နားနဲ့ ထောင်ဖမ်းကြပေတော့။
ယခုလက်ရှိ ရယူထားကြတဲ့ ၀ိပါက၀ဋ်ခေါ်တဲ့ မြင်မှု ကြားမှု စတဲ့ လောကီတရားစု ဟူသမျှတို့ကို ဖြစ်ပေါ်တိုင်း ဖြစ်ပေါ်တိုင်း မခိုင်မြဲမှု အနိစ္စလက္ခဏာအထိ ၀ိပဿနာဉာဏ်နဲ့ ရှုမှတ်သိနေရင် ဆင်းရဲဒုက္ခသက်သက် ဖြစ်ပေါ်ပြီး ပျက် ပျက် သွားတာကို ပိုင်းခြားပြီး သိမြင်လာလိမ့်မည်၊ အဲဒီ အနိစ္စ ဒုက္ခဉာဏ်ကို အသိလုပ်ထားပါ။
အဲဒီ မခိုင်မြဲတဲ့ အနိစ္စသဘောတရားတွေကို နိစ္စ = ခိုင်မြဲအောင်မလုပ်နိုင်ခြင်း၊ ဆင်းရဲမှု ဒုက္ခအစုကိုလည်း ချမ်းသာမှုသုခဖြစ်အောင် မလုပ်နိုင်ခြင်းဆိုတဲ့ ငါ ငါ့ဥစ္စာမဟုတ်တဲ့ အစိုးမရအနတ္တတရားဟာလည်း အနိစ္စနဲ့ ဒုက္ခရဲ့နောက်က ထက်ကြပ်မကွာ ကပ်ပြီးပါလာတာကို ၀ိပဿနာဉာဏ်နဲ့ မြင်လာလိမ့်မည်၊ ခုပြောတာတွေ သဘောပေါက်ရဲ့လား၊ အဲဒါတွေဟာ ခုလက်ရှိ စိုးရိမ်, ငိုကြွေး, ကိုယ်ဆင်းရဲ, စိတ်ဆင်းရဲတို့ရဲ့ ငြိမ်းအေးသက်သာမှု လောကနိဗ္ဗာန်ရဲ့ အခြေခံဉာဏ်အလုပ်တွေပဲ။
ဒကာ။ ။ မှန်ပါ့၊ ၀ိပဿနာဉာဏ် သဘောမျိုး ဒကာကြီးတို့ အသိဉာဏ်ရှင်းပါတယ် ဆရာတော်။
ဆရာ။ ။ အဲဒီလို မြင်မှု ကြားမှု စသည်တို့ကို မြင်တိုင်း ကြားတိုင် နံတိုင်း စားတိုင်း ထိတိုင်း သိသိနေလျှင် သိပြီးပျက်ပျက်သွားတာတွေကိုသာ ဉာဏ်နဲ့မြင်နေရတော့ အဲဒီမြင်မှုစတဲ့ အာရုံတွေနဲ့ စပ်ပြီး သာယာ ခင်မင် လိုချင် တပ်မက် ဆာလောင်တဲ့တဏှာ မဖြစ်နိုင်တော့ဘူး၊ သူ့သဘော အနိစ္စ သိနေမှကိုး။
တဏှာမဖြစ်တော့ မရ မနေ စွဲလမ်းမှု ဥပါဒါန်လည်း မဖြစ်တော့ဘူး၊ အဲဒါကြောင့် ၀ိပဿနာတရား ပွားများရှုမှတ်နေတဲ့ ယောဂီအတွက်ဆိုရင် ရှုမှတ်မိတဲ့ အာရုံနဲ့စပ်ပြီး ရုပ်နာမ်တို့ဖြစ်ပျက်မှု ဒုက္ခဆင်းရဲအမှန် မြင်သိနေလို့ အ၀ိဇ္ဇာ ကိလေသာချုပ်တယ်၊ ၀ိဇ္ဇာဉာဏ် ပေါ်လာတယ်။
ဆင်းရဲသက်သက် ဒုက္ခသစ္စာအမှန်သိလို့ သာယာ ခင်မင် လိုချင်မှု မရှိတော့၍ ဆာလောင်မှုတဏှာ ကိလေသာလည်းချုပ်တယ်။
လိုချင်သာယာမှု တဏှာချုပ်လို့ ဒီကာမတရားတွေ မရမနေ စွဲလန်းမှု ဥပါဒါန်လည်း ချုပ်တယ်၊ အဲဒါဟာ ကိလေသာဝဋ်သုံးပါးချုပ်သွားတာပဲ။
ကိလေသာဝဋ်ချုပ်သွားလို့ရှိရင်(တဏှာ နိရောဓော) ဘ၀ကို ပြန်ရအောင်ပြုလုပ်မှု တဏှာပါတဲ့ ကံလည်းမရှိ ချုပ်ငြိမ်းပြီးစီးသွားတော့၏တဲ့၊ ဘ၀ကို သာယာလိုချင်မှု ကိလေသာဝဋ်မပါတဲ့ ကမ္မ၀ဋ်ချုပ်သွားလို့ရှိရင် (ဇာတိ နိယောဓော) ဘ၀အသစ် ပဋိသန္ဓေနေမှုလည်း တခါတည်း ချုပ်ငြိမ်းပြီးစီး သွားတော့တာပေါ့။
ဒီနေရာမှာ ရဟန္တာချုပ်ငြိမ်းမှုကတော့ အရဟတ္တမဂ်နဲ့ ၀ဋ်သုံးပါးလုံးကို အပြီးပြတ် လက်စသတ် ချုပ်ငြိမ်းပြီးစီးသွားတယ်၊ ဘယ်အာရုံနဲ့ တွေ့တွေ့ သူရဲ့ ကမ္မ၀ဋ်က ဘ၀သစ် ဇာတိကို မပေးတော့ဘူး၊ အဲဒါဟာ လောကုတ္တရာနိဗ္ဗာန် အထူးပဲ၊ ပုထုဇဉ်ယောဂီကတော့ ၀ိဇ္ဇာဉာဏ်ဦးစီးတဲ့ ၀ိပဿနာဉာဏ် တဒင်္ဂပဟာန်ဖြင့် တဏှာကို တချက်ချင်း ပယ်သတ်နေတာ၊ အဲဒါဟာ လောကနိဗ္ဗာန်ပဲ၊ ကဲ…ရှင်းရဲ့လား၊ ကိုယ် ဆင်းရဲ, စိတ်ဆင်းရဲ, စိုးရိမ်ငိုကြွေးမှုတို့အတွက် သက်သာရာ ရနေပြီ။
ဒကာ။ ။ တော်တော် အသိခက်တဲ့ သဘောတရားတွေပဲ၊ ရှင်းပါပြီ ဆရာတော်၊ လောကနိဗ္ဗာန်ဆိုတာ ၀ိပဿနာကုသိုလ်ချမ်းသာပဲကိုး၊ သောက ပရိဒေ၀တို့ ခဏသက်သာနိုင်တာပဲ။
Wednesday, September 15, 2010
သဿတနဲ့ ဥစ္ဆေဒဒိဋ္ဌိ ၂ ပါး ဘယ်ဟာက အပြစ်ကြီးမားသလဲ
သဿတနဲ့ ဥစ္ဆေဒဒိဋ္ဌိ ၂ ပါး ဘယ်ဟာက အပြစ်ကြီးမားသလဲ
ဒကာ။ ။ သဿတဒိဋ္ဌိအယူနဲ့ ဥစ္ဆေဒဒိဋ္ဌိ အယူဝါဒသမား နှစ်ဦးမှာ ဘယ်အယူဝါဒသမားက ပိုမိုဆိုးဝါးအပြစ်ကြီးမားပါသလဲ ဆရာတော်။
ဆရာ။ ။ ဒကာကြီးတို့က ဘယ်လိုထင်လို့လဲ၊ ဒကာကြီးတို့ အယူအဆ ပြောပြပါဦးလေ သိရအောင်။
ဒကာ။ ။ ယင်းနှစ်ပါးစလုံးဟာ မိစ္ဆာဒိဋ္ဌိမျိုးသာဖြစ်လို့ အပြစ်ချင်းလည်း အတူတူပဲလို့ ယူဆပါတယ် ဆရာတော်၊ တချို့က မတူဘူးပြောလို့ ကျမ်းဂန်များက ခွဲခြားပြတာ ရှိသေးသလား မိန့်ကြားပါဦး ဘုရား။
ဆရာ။ ။ ရှင်သာရိပုတ္တရာရဲ့တူ ဒီဃနခ ပရိဗိုဇ်နဲ့ မြတ်စွာဘုရားမေးဖြေခန်း ဒီဃနခ သုတ္တန်မှာ အဋ္ဌကထာဆရာ မိန့်ကြားတော်မူတာကတော့….
၁။ တံ သဿတ ဒဿနံ အပ္ပသာဝဇ္ဇံ ဒန္ဓ၀ိရာဂန္တိ ၀ုစ္စတိ။
ထို သဿတဒိဋ္ဌိ အမြင် အယူ အစွဲကို အပြစ်ကတော့ ဒါလောက်တောင် မကြီးမားလှပေမင့် ဖြုတ်နိုင်စွန့်နိုင်ဖို့ကျတော့ ခက်ခဲနှေးကွေး ကြာမြင့် တယ်လို့ဆိုတယ်။
၂။ မဟာသာဝဇ္ဇံ ခိပ္ပ၀ိရာဂန္တိ ၀ုစ္စတိ။
ဥစ္ဆေဒဒိဋ္ဌိ အယူအစွဲကိုတော့ ကြီးမားသော အပြစ်ရှိတယ်၊ ဒါပေမဲ့ စွန့်လွှတ်ဖို့ ကျတော့ လျင်မြန်လွယ်ကူတယ်လို့ ဆိုတယ်။
ဒကာ။ ။ အပြစ်သေးပုံ၊ စွန့်လွှတ်နိုင်ခက်ပုံနဲ့ အပြစ်ကြီးပုံ စွန့်လွှတ်ရ လွယ်ကူပုံတို့ကိုလည်း ဒကာကြီးတို့ နားလည်အောင် တိုတိုနဲ့ပဲ ရှင်းပြပါဦး ဆရာတော်။
ဆရာ။ ။ အင်း….သဿတဒိဋ္ဌိသမားရဲ့ ယုံကြည်ချက်က ခုဘ၀လည်းရှိတယ်၊ နောက်ဘ၀တွေဆိုတာလည်းရှိတယ်၊ ကုသိုလ်ကံ အကုသိုလ်ကံရဲ့ ကောင်းကျိုးသုခ၊ မကောင်းကျိုးဒုက္ခ ဆိုတာလည်းရှိတယ်၊ ကုသိုလ်ကိုများများပြုတယ်၊ အကုသိုလ်ကို နည်းပါးအောင် ရှောင်ရှားတယ်၊ လူ နတ် ဗြဟ္မာခေါ်တဲ့ ဘ၀ရဲ့ ချမ်းသာကိုတော့ အမြဲ သာယာ တပ်မက် နှစ်သက်စွဲလမ်းနေတာပဲ၊ မြတ်စွာဘုရားနဲ့ တပည့်သံဃာတော်များက ဘ၀ဒုက္ခကို ဟောကြားပေတယ်လို့ သူ့ရဲ့ဘ၀ကောင်းစား ခံစံရေးကိုတော့ လျင်မြန်စွာ မပယ်စွန့်နိုင်ဘူးတဲ့၊ ဆိုလိုရင်းကတော့ ကုသိုလ်ကံကို များများပြုတယ်၊ အကုသိုလ်ကံကိုလည်း နည်းအောင်လုပ်တယ်၊ အဲဒါ့ကြောင့် အဲဒီ သဿတဒိဋ္ဌိသမားရဲ့ အပြစ်ဟာ သေးငယ်တယ်လို့ ဆိုတယ်၊ ကဲ…..သဘောကျရဲ့လား။
ဒကာ။ ။ သဿတဒိဋ္ဌိကိုတော့ သဘောပေါက်ပါပြီ ဆရာတော်၊ ဥစ္ဆေဒဒိဋ္ဌိသမားရဲ့ အပြစ်ကြီးပုံနဲ့ ၊ လွယ်လွယ် ကျွတ်လွယ်ပုံလည်း ရှင်းပြပါဦးဘုရား။
ဆရာ။ ။ ဥစ္ဆေဒသမားရဲ့အစွဲက ခုလက်ရှိဘ၀ တခုသာရှိသည်၊ ဘ၀တပါး ဆိုတာ မရှိ၊ အခြားဘ၀မှ ခု ဘ၀ဖြစ်လာတာကိုလည်း မယုံ မသိ၊ ဘ၀တပါးသို့ သွားရောက် ဖြစ်ရပုံလည်း မသိ မယုံ။
ကောင်းမှုကုသိုလ်ကံရဲ့ ကောင်းကျိုးချမ်းသာ၊ မကောင်းမှုအကုသိုလ်ကံရဲ့ ဆင်းရဲဒုက္ခ ရရှိနိုင်သည် ဆိုတာကိုလည်း မသိ နားမလည်ဘူး။ ကုသိုလ်ကောင်းမှုကို မပြုမလုပ်၊ အကုသိုလ် မကောင်းမှုကိုတော့ ရဲရင့်စွာပြုလုပ်သည်။
ဘ၀တပါးမရှိဟု စွဲယူထား၍ ဘ၀တပါး၌ နှစ်သက် သာယာ ခင်မင် ဖြစ်ချင်မှုလည်း သူ့မှာ မရှိ မတောင့်တ မစွဲလမ်းချေ။ သူလုပ်သမျှ ကံတွေက အကုသိုလ်ကံတွေသာ များသောကြောင့် ဥစ္ဆေဒဒိဋ္ဌိ က ကြီးလေးသော အပြစ်ရှိတယ်လို့ ဆိုတယ်။
သို့သော် မြတ်စွာဘုရားနဲ့ သံဃာတော်များက ဘ၀တပါးရှိပုံနဲ့ ဆင်းရဲဒုက္ခတို့ကို ဟောပြလိုက်သောအခါ သူ့အယူကို လျင်မြန်စွာ စွန့်ပစ်နိုင်သည်။ ဗုဒ္ဓ၏ အယူဝါဒကို သက်ဝင်ယုံကြည်စွာ လက်ခံကျင့်ကြံ ပွားများ၍ နိဗ္ဗာန်ချမ်းသာကို လျင်မြန်စွာ မျက်မှောက်ပြုနိုင်သည်ဟု ဆိုထားသည်၊ အဲဒါ သဿတဒိဋ္ဌိ ဥစ္ဆေဒဒိဋ္ဌိတို့ရဲ့ ထူးခြားချက်ပဲ၊ ကဲ…ရှင်းရဲ့လား။
ဒကာ။ ။ ဥစ္ဆေဒ က ခု လက်ရှိတခုသာ စွဲထားတာကိုး၊ သဿတ က နှစ်ဖက်စွဲ ဆိုတော့ကာ ရှင်းလင်းပြတ်သား၍ နှစ်သက်စွာ ခံယူပါတယ် ဆရာတော်။
Sunday, September 12, 2010
ဗုဒ္ဓဂေါတမဟာ အငြင်းအခုံ သန်သလားတဲ့
ဗုဒ္ဓဂေါတမဟာ အငြင်းအခုံ သန်သလားတဲ့
ဒကာ။ ။ တချို့သော ၀ါဒရှင်တွေက ဗုဒ္ဓဂေါတမဟာ အလွန်အငြင်းသန်တယ်၊ သူ မပေါ်ခင် လာရှိထားကြတဲ့ အယူဝါဒအစွဲတွေကို နိုင်အောင်ငြင်းပြီးတော့ ဖျက်စီးကာ အနိုင်လျှောက်ယူနေတာပဲ။ သစ္စကပရိဗိုဇ်စတဲ့ တကယ့်ပညာရှိဗြဟ္မဏကြီးတွေနဲ့လည်း ပြိုင်ငြင်းတာပဲ စသည်ဖြင့် ပြောသံကြားရလို့ပါ ဆရာတော်၊ မြတ်စွာဘုရားဟာ အငြင်းသန်သလား။
ဆရာ။ ။ ဟင့်အင်း….မြတ်စွာဘုရားဟာ ဘယ်သူနှင့်မှ မငြင်းခုံဘူး၊ အငြင်းအခုံကို ၀ါသနာနှင့်တကွ ပယ်စွန့်ပြီးသားပဲဟာ၊ ဂေါတမဘုရားမှာ ခန္တီ၊ မေတ္တာ အမြဲတမ်းရှိနေတယ်၊ ဘုရားရှင်ကိုသာ လူလောက နတ်လောကသားတွေက လာ လာပြီးငြင်းခုံကြတာ ဖြစ်တယ်၊ ဒကာကြီးတို့ရ။
ဒကာ။ ။ သစ္စက ပရိဗိုဇ် စတဲ့ ဒိဋ္ဌိကြီးတွေနဲ့ ၀ါဒပြိုင်ပွဲကြီးတွေ လုပ်တာဟာ သူတို့နဲ့ ငြင်းခုံတာ မဟုတ်ဘူးလား ဆရာတော်။
ဆရာ။ ။ ငြင်းခုံတာက သူတို့က၊ သူတို့ကသာ ဘုရားကို ပြန်ပြန်ငြင်းနေကြတာ၊ မြတ်စွာဘုရားက ငြင်းတာ မဟုတ်ပါဘူး၊ အမှန်တရားကိုသာ ပြောပြ ဖြေကြားပေးနေတာပါ၊ ဒီပြဿနာနဲ့စပ်ပြီး ခန္ဓ၀ဂ္ဂသံယုတ် ပုပ္ဖသုတ် ပါဠိတော်မှာ ဗုဒ္ဓကိုယ်တိုင် မိန့်ကြားတော်မူတာရှိတယ်။
(၁) နာဟံ ဘိက္ခဝေ လောကေန ဝိဝဒါမိ။
(၂) လောကေဝ မယာ ဝိဝဒတိ။
(၃) န ဘိက္ခဝေ ဓမ္မဝါဒီ ကေနစိ လောကသ္မိံ ဝိဝဒတိ။
(၁) ရဟန်းတို့ ငါဘုရားဟာ လူ၊ နတ်၊ ဗြဟ္မာ၊ သတ္တဝါခေါ်တဲ့ လောကသားအပေါင်းနှင့် ဘယ်သောအခါမှ မငြင်းခုံပါဘူး။
(၂) လောကသားဖြစ်တဲ့ လူတွေ နတ်တွေ ဗြဟ္မာတွေ ကသာ ငါဘုရားနှင့် လာ လာ ပြိုင်ဆိုင်ငြင်းခုံနေတာပါ။
(၃) ရဟန်းတို့ အမှန်တရားကိုသာ ထုတ်ဆိုဟောကြား ပြောပြသွားလေ့ရှိသော ပုဂ္ဂိုလ်ဟာ ဘယ်သူနဲ့မှ ပြိုင်ဆိုင် ငြင်းခုံမှု မပြုပါတဲ့။
ဆိုလိုရင်းကတော့ အမှန်တရားကိုသာ ပြောကြား ပြောကြားနေသောကြောင့် အဲဒီ အမှန်တရား ပြောကြားနေတဲ့သူဟာ ဘယ်သူနဲ့မှ ငြင်းခုံသည် မမည်ပါဘူးလို့ ဆိုတာပဲ၊ ကဲ…သဘောကျရဲ့လား။
ဒကာ။ ။ မှန်တဲ့ဘက်ကတော့ အမြဲနိုင်နေတာပဲဟာ ငြင်းစရာ မလိုတော့ပါဘူး၊ သဘောကျ ကျေနပ်ပါတယ် ဆရာတော်။
အားထုတ်ပြုလုပ်မှု သင်္ခါရဟာ ဆင်းရဲဒုက္ခတွေတဲ့လား
အားထုတ်ပြုလုပ်မှု သင်္ခါရဟာ ဆင်းရဲဒုက္ခတွေတဲ့လား
ဒကာ။ ။ ဆရာအချို့တွေက ဟောကြားနေကြပါတယ်။ “သဗ္ဗေသင်္ခါရာ ဒုက္ခာ” တဲ့။
သဗ္ဗေ သင်္ခါရာ = ကြိုးစားအားထုတ် ပြုလုပ်နေသမျှ အားလုံးတို့ဟာ၊ ဒုက္ခာ = ဆင်းရဲတို့သာဖြစ်ကုန်၏။
အဲဒီလို ဘာသာပြန် အနက်ပေးပြီးတော့ ခု, ဒါနပြုလုပ် ပေးလှူနေကြတာတွေ၊ သီလ - ထမင်း အငတ်ခံပြီး ဥပုသ်စောင့်နေကြတာတွေ၊ ဘာဝနာ - အညောင်းခံပြီးတော့ ကမ္မဋ္ဌာန်းတရား အားထုတ်နေကြတာတွေဟာ ဆင်းရဲဒုက္ခတွေသာ ဖြစ်တာ၊ ပြုလုပ်သမျှတွေဟာ လက်တွေ့မုချ ဒုက္ခဆင်းရဲတာအမှန်ပဲ၊ စိတ်ပင်ပန်းခံပြီး ပြုလုပ်အားထုတ် မနေကြနဲ့၊ စိတ်ကို သူ့တက်တိုင်း အငြိမ်းစား ထားမှ ချမ်းသာတယ်လို့ ဟောပြောနေကြတာ မှန်ပါသလား ဆရာတော်၊ အတော့်ကိုပဲ ခေတ်စားနေတယ် ဘုရား။
ဆရာ။ ။ မမှန်ဘူး၊ အဲဒါ ငရဲမီးပုံထဲ အတူဆင်းဖို့ အဖော်ခေါ်နေတဲ့ သာသနာဖျက် စကားတွေသာဖြစ်တယ်၊ သင်္ခါရက နှစ်မျိုးရှိတယ်။
၁။ ပြုလုပ်ရမည့် အကြောင်းသင်္ခါရ = မဟာကုသိုလ် ဉာဏသမ္ပယုတ် ဝိဇ္ဇာဉာဏ် ဦးစီးတဲ့ သင်္ခါရမျိုးနဲ့ နိဗ္ဗာန်ကို ဆန္ဒပြုပြီး ဒါန, သီလ, ဘာဝနာ ကုသိုလ်ကံတွေကို ပြုလုပ်ရမည့် အလုပ်သမားသင်္ခါရတွေဖြစ်တော့ကာ အဲဒီ အလုပ်သမားသင်္ခါရတွေနဲ့ ၀ိဇ္ဇာဉာဏ်ဦးစီးပြီး ပြုလုပ်သွားလို့ရှိရင် မဂ်ဖိုလ် နိဗ္ဗာန် ချမ်းသာသုခကို မုချရမှာပဲ၊ အဲဒါကို အကြောင်းသင်္ခါရ ခေါ်တယ်၊ မုချပြုလုပ်ရမှာ၊ မလုပ်ဘဲ မနေရဘူး။
၂။ အပြုခံသင်္ခါရ = (အ၀ိဇ္ဇာ တဏှာ ဥပါဒါန် ကိလေသ၀ဋ် ဦးစီးပြီး ပြုလုပ်တဲ့ အကြောင်းသင်္ခါရကြောင့် ရလာတဲ့) အပါယ်ကောင် လူကောင် နတ်ကောင် ဗြဟ္မာကောင် ခေါ်တဲ့ လောကီရုပ်နာမ် တရားစုတွေဟာလည်း သင်္ခါရ တွေပဲ၊ အဲဒါကို ရည်စူးပြီးတော့ မြတ်ဗုဒ္ဓက “သဗ္ဗေသင်္ခါရာ ဒုက္ခာ” လို့ ဟောတာ။ သဗ္ဗေသင်္ခါရာ = လောကီရုပ်နာမ် အကျိုးတရားစု ဟူသမျှတို့သည်၊ ဒုက္ခာ = မုချ ဆင်းရဲတာ အမှန်ပါပဲတဲ့။
အဲဒီ အနက်အဓိပ္ပါယ်ကို ပြောင်းပြန်ဇောက်ထိုးလုပ်ပြီး သာသနာဖျက်ကောင်တွေရဲ့ ဟောပြောတိုက်တွန်းချက်ကို ကံမွဲဉာဏ်နည်းတဲ့ သူပျင်းတို့က ကြိုက်ကာ လိုက်နာကြတာပေါ့၊ ကုသိုလ်အလုပ် မလုပ်ချင်သူတွေရဲ့ ဘုရားဟောနဲ့ ဆန့်ကျင်ဘက် စကားတွေသာဖြစ်တယ်၊ မမှန်ဘူး၊ မယုံနဲ့၊ အပါယ်လား စကားတွေနော်၊ သာသနာဖျက်အသင်းထဲ ပါသွားလိမ့်မည်၊ မီးပုံထဲ အဖော်ခေါ်နေကြတာ။
ဒကာ။ ။ နားလည်ပါပြီ ဘုရား၊ သင်္ခါရ နှစ်မျိုးနှစ်စား နားမလည်ကြလို့ လွဲမှားကုန်တာပဲ ဆရာတော်၊ ကျေးဇူးတင်ပါတယ်ဘုရား၊ အမှန်သိပါပြီ၊ မီးပုံထဲ အဖော်ခုန်မဆင်းတော့ပါဘူး။
Friday, September 10, 2010
အနာဂါမ်၏အရိုးများ ဓာတ်တော် ဖြစ်နိုင်သလား
အနာဂါမ်၏အရိုးများ ဓာတ်တော် ဖြစ်နိုင်သလား
ဒကာ။ ။ ပက္ကုသာတိမင်းကြီးဟာ ဘုရားနဲ့တွေ့ အနာဂါမ်ဖြစ် ရဟန်းပြုဖို့ သင်္ကန်းပရိက္ခရာ ရှာဖွေရင်း နွားဝှေ့၍ စုတိကျသွားတော့ ဗိမ္ဗိသာရမင်းကြီးက အလောင်းတော်ယူကာ ကောင်းစွာမီးသင်္ဂြိုဟ်ပြီး ဓာတ်တော်များကို ကောက်ယူ၍ စေတီတည်ထား ကိုးကွယ်တယ်လို့ ဟောပြောနေကြတာ မှန်သလား ဆရာတော်၊ အနာဂါမ်က ဓာတ်တော်ကျနိုင်ပါသလား၊ တိုတိုကျဉ်းကျဉ်းနဲ့ ရှင်းပြပါဦးဘုရား။
ဆရာ။ ။ အင်း….ဒီကလည်း အပိုမပြောတတ်ဘူး၊ တိုတိုတိတိသမားပဲ၊ အမှန်ကတော့ ဓာတ်တော်ဆိုတာ ကိလေသာလုံးဝမရှိ သန့်ရှင်းစင်ကြယ်တော်မူကြတဲ့ ဘုရား ပစ္စေကဗုဒ္ဓါ ရဟန္တာအရှင်မြတ်တို့ရဲ့ အသားတော် အသွေးတော် အရိုးတော် ဆံတော် မွေးညင်းတော်တို့က ပြာမကျဘဲ အလုံးအခဲကလေးတွေဖြစ်ကာ တည်နေတာကို ဓာတ်တော် လို့ ခေါ်တာပဲ။ အဲဒီ ဓာတ်တော်များကို ကိုးကွယ်တည်ထား ကြည်ညိုလေးစား ပူဇော်မှုများ ပြုကြရမည်၊ လူချမ်းသာ နတ်ချမ်းသာ နိဗ္ဗာန်ချမ်းသာအထိ အကျိုးစီးပွားသုံးပါးကို ရနိုင်သည်ဟု ပိဋကတ်တော်မှာ လာရှိတယ်။
ပက္ကုသာတိမင်းကြီးကတော့ မြတ်စွာဘုရား၏ တရားတော်နာယူပြီး ချက်ချင်းပဲ ၀ိပဿနာတရားရှုမှတ်ပွားများလိုက်တာ အနာဂါမိဖိုလ်အထိ ရသွားတယ်၊ ဒီတော့ ရဟန်းအဖြစ် ရယူနိုင်ရန် ဘုရားထံလျှောက်ထားတယ်၊ သူက သင်္ကန်း ပရိက္ခရာ မပေးလှူခဲ့ဖူးလို့ ဧဟိဘိက္ခုရဟန်း အဖြစ်ကို မရနိုင်တဲ့အတွက် ရဟန်းပရိက္ခရာ ထွက်ရှာရင်း နွားဝှေ့ခံရ စုတိကျသွားတော့ သုဒ္ဓ္ဓါဝါသ ဗြဟ္မာ့ဘုံကို ရောက်ရောက်ခြင်း အရဟတ္တမဂ်ဖိုလ်ရပြီး ရဟန္တာကြီးဖြစ်သွားသောကြောင့် သူ့ကို ရဟန္တာလို့ ခေါ်ဆိုနိုင်တယ်၊ သူ့ရဲ့ဓာတ်တော်များကို စေတီတည်ထား ကိုးကွယ်ထိုက်တယ်လို့ ပိဋကတ်တော်က…..
ကုလပုတ္တဿ သရီရကိစ္စံ ကတွာ ဓာတုယော အာဒါယ စေတိယံ ပတိဋ္ဌာပေသိ။ လို့ လာရှိတယ်၊ ရှင်းရဲ့လား၊ အဲဒါဟာ ပိဋကတ်တော်ရဲ့ အဆုံးအဖြတ် တိုတိုပဲ။
ဒကာ။ ။ ရှင်းပါပြီ ဆရာတော်၊ မင်းကြီးက စုတိလည်းကျ သုဒ္ဓါဝါသဗြဟ္မာ ရဟန္တာကြီးလည်း ဖြစ်သွားတာကိုး၊ ကျေနပ်စွာနဲ့ ကျေးဇူးတင်လှပါတယ်ဘုရား။
သုဘရာဇာလား အသုဘရာဇာလား
သုဘရာဇာလား အသုဘရာဇာလား
ဒကာ။ ။ သုသာန် သင်္ချိုင်းက စောင့်ပြီးတော့ ရောက်လာတဲ့ သူသေကောင်တွေကို မြေတူးမြှုပ်နှံမီးသင်္ဂြိုဟ်ပြုလုပ်နေကြတဲ့သူတွေကို သုဘရာဇာလို့ ဘာလို့ခေါ်ဆိုတာလဲ ဆရာတော်။
သူတို့အလုပ်က အသုဘအလုပ်တွေကို မြေတူးမြှုပ်နှံ မီးရှို့ခြင်း ပြုလုပ်နေရတဲ့ဟာပဲ၊ သုဘမှမဟုတ်တာ ဖြေကြားပါဦးဘုရား။
ဆရာ။ ။ ဟုတ်တယ်၊ ဒကာကြီးတို့ရဲ့ အမှတ်သညာကတော့ မတင့်တယ်တဲ့ အပုပ်ကောင် သူသေကောင် အသုဘလို့ အမှန်မှတ်တာပဲ၊ အစွဲဒိဋ္ဌိကလည်း အသုဘအပုပ်ကောင်လို့ အမှန်စွဲယူတာပဲ၊ ဒါ့ကြောင့်မို့ ဒီအကောင်ပုပ်ကို သုသာန်ထုတ်ကာ စွန့်ပစ်ကြတာပေါ့။
သူတို့ကတော့ သည်သူသေကောင်တွေ များများလာမှ လုပ်ခငွေတွေ များများရမှာမို့ အဲဒီ အသေကောင် အပုပ်ကောင်တွေကို သုဘ တင့်တယ်တယ်လို့ သညာဝိပ္ပလ္လာသနဲ့ မှတ်တယ်၊ သုဘ တင့်တယ်တယ်လို့ ဒိဋ္ဌိဝိပ္ပလ္လာသနဲ့ စွဲယူထားတယ်၊ သုဘ တင့်တယ်တယ်လို့ စိတ္တဝိပ္ပလ္လာသနဲ့ သိနေတယ်၊ အဲဒီ ဝိပ္ပလ္လာသသုံးပါးနဲ့ သူတို့က သုဘလို့ မှတ်ယူ စွဲသိနေကြတာ။
ရာဇာဆိုတာက (ရဉ္ဇတိ = နှစ်သက်တတ်၏၊ ဣတိ = ထို့ကြောင့်၊ ရာဇာ = ရာဇာမည်၏တဲ့) အဲဒီ အသုဘကောင်တွေ များများလာလေ နှစ်သက်လေပဲ၊ အဲဒါ့ကြောင့် ပါဠိလို သူတို့ကို သုဘရာဇာလို့ ခေါ်တာဖြစ်တယ်။ သောတာပန်မ လင်ယူသားမွေး ဈေးရောင်းသလိုပေါ့၊ ဝိပ္ပလ္လာသ သဘောတွေနဲ့ ခေါ်ဆိုတာ ဖြစ်တယ်။
တော်တော် ကြံကြံဖန်ဖန် မေးတဲ့ ဒကာကြီးတွေပဲ။ ကဲ…ကျေနပ်ရဲ့လား။
ဒကာ။ ။ ဆရာတော်က မြန်မာအဘိဓာန်ကျမ်းပြုတဲ့ ဆရာတော်မို့ သုဘရာဇာဆိုတဲ့ အဘိဓာန်ပုဒ်ရဲ့ အနက်သဘောကို မေးရတာပါဘုရား၊ ကျေနပ်လှပါတယ် ဆရာတော်။
Monday, September 6, 2010
စိတ် စေတသိက် ရုပ် နိဗ္ဗာန် ဆိုတာ ပရမတ္တတရား ဟုတ်ရဲ့လား
စိတ် စေတသိက် ရုပ် နိဗ္ဗာန် ဆိုတာ ပရမတ္တတရား ဟုတ်ရဲ့လား
ဒကာ။ ။ “စိတ် စေတသိက် ရုပ် နိဗ္ဗာန် လေးတန် ပရမတ်” ဟု လယ်တီဆရာတော်ဘုရားကြီးများ ပရမတ္တတရားလေးပါးကို သင်ကြားပေးကြပါတယ်။
ဒါပေမဲ့ စိတ် စေတသိက် ရုပ် နိဗ္ဗာန် ဆိုတာ ပရမတ္တတရား မဟုတ်ဘူး၊ ပညတ်သာဖြစ်တယ်လို့ ဆရာအချို့က ဆိုကြပါတယ်၊ ဘယ်ဟာကို အမှန်ယူရမှာလဲ ဆရာတော်။
ဆရာ။ ။ အင်း…နှစ်မျိုးစလုံး မှန်တာချည်းပဲလို့ မှတ်ယူရမည်။
ဒကာ။ ။ အမှန်ယူပုံကို အနည်းငယ် ရှင်းပြပေးပါဦး ဆရာတော်၊ ဘယ်လိုမှန်တာလဲ ဘုရား။
ဆရာ။ ။ ပရမတ်ဆိုတာက (၁) အပြောပရမတ်၊ (၂) သဘောပရမတ်၊ နှစ်မျိုးရှိတယ်။
စိတ် စေတသိက် ရုပ် နိဗ္ဗာန် ဆိုတာက အမည်နာမ အပြောပရမတ်ဖြစ်တယ်၊ အဲဒီ ပရမတ် အမည်ကို ဖော်ထုတ်မပြောဘဲနဲ့တော့ ဘယ်တော့မှ မဖြစ်နိုင်ဘူးပဲ၊ ဒါကြောင့် ပရမတ်တရားရဲ့ အမည်နာမကလေးတွေကို သတ္တဝါများနားလည်အောင် ထုတ်ဖော်ဟောပြောရလို့ အပြောပရမတ်လို့ ဆိုရင်လည်း မှန်တာပဲ။
ဟာ…စိတ် စေတသိက် ရုပ် နိဗ္ဗာန်….ဆိုတာ အမည်နာမ ပညတ်သာဖြစ်တယ်၊ ပရမတ်မဟုတ်ပါဘူးလို့ ဆိုရင်လည်း မှန်တာပဲ၊ အမည်ပညတ်တွေပဲကိုး။
ပရမတ် အစစ်ဆိုတာက သူ့ရဲ့ပြီးစီးမှုသဘောတရား ကိရိယာကလေး သက်သက်မျှကိုသာ ယူရတာဖြစ်တယ်။
ဒကာ။ ။ ပေါ်လွင်အောင် ရှင်းပြပါဦး ဆရာတော်၊ ဒကာကြီးနားလည်အောင် တိုတိုကျဉ်းကျဉ်းနဲ့ပေါ့ ဘုရား။
ဆရာ။ ။ စိတ်ပရမတ် ဆိုတာက အာရုံကိုသိခြင်း၊ ညွတ်ခြင်း သဘောကလေး သက်သက်မျှကိုသာ ဆိုတာ၊ စိတ်ဟာ ပညတ် အမည်မျှသာပဲ။
စေတသိက်တွေထဲကလည်း ဝေဒနာဟာ ပညတ်အမည်ပဲ၊ ပရမတ်အစစ်က ခံစားခြင်းသဘော ကိရိယာကလေးမျှသာ ဖြစ်တယ်။
သညာဟာလည်း ပညတ်အမည်သာပဲ၊ ပရမတ်အစစ်ကတော့ မှတ်သားခြင်းသဘော ကိရိယာကလေးကို ဆိုတာ ဖြစ်တယ်။
စေတနာစေတသိက် ဆိုတာလည်း နာမပညတ်ပဲ၊ ပရမတ်အစစ်ကတော့ အလုပ်ဖြစ်မှု စေ့ဆော်ခြင်းသဘော ကလေးမျှသာ ဖြစ်တယ်။
ရုပ်ဆိုတာလည်း နာမပညတ်မျှသာပဲ၊ ပရမတ်အစစ်က ဖေါက်ပြန်ပြောင်းလဲမှု သဘော ကလေးမျှ သက်သက်ပဲ။
နိဗ္ဗာန်ဆိုတာလည်း အမည်ပညတ်ပဲ၊ ပရမတ်အစစ်ကတော့ နိစ္စ သုခ အမြဲငြိမ်းအေးချမ်းသာမှု သဘော ကိုဆိုတာပဲ၊ ကဲ….ကျေနပ်ရဲ့လား၊ ပရမတ်ဆိုတာ အမည်နာမ အထည်ဒြပ် မရှိဘူး၊ သဘောကလေးသက်သက်ကို ယူရတယ်။
ဒကာ။ ။ မှန်ပါ့၊ သဘောပေါက် ကျေနပ်ပါပြီ ဆရာတော်။
ဒကာ။ ။ “စိတ် စေတသိက် ရုပ် နိဗ္ဗာန် လေးတန် ပရမတ်” ဟု လယ်တီဆရာတော်ဘုရားကြီးများ ပရမတ္တတရားလေးပါးကို သင်ကြားပေးကြပါတယ်။
ဒါပေမဲ့ စိတ် စေတသိက် ရုပ် နိဗ္ဗာန် ဆိုတာ ပရမတ္တတရား မဟုတ်ဘူး၊ ပညတ်သာဖြစ်တယ်လို့ ဆရာအချို့က ဆိုကြပါတယ်၊ ဘယ်ဟာကို အမှန်ယူရမှာလဲ ဆရာတော်။
ဆရာ။ ။ အင်း…နှစ်မျိုးစလုံး မှန်တာချည်းပဲလို့ မှတ်ယူရမည်။
ဒကာ။ ။ အမှန်ယူပုံကို အနည်းငယ် ရှင်းပြပေးပါဦး ဆရာတော်၊ ဘယ်လိုမှန်တာလဲ ဘုရား။
ဆရာ။ ။ ပရမတ်ဆိုတာက (၁) အပြောပရမတ်၊ (၂) သဘောပရမတ်၊ နှစ်မျိုးရှိတယ်။
စိတ် စေတသိက် ရုပ် နိဗ္ဗာန် ဆိုတာက အမည်နာမ အပြောပရမတ်ဖြစ်တယ်၊ အဲဒီ ပရမတ် အမည်ကို ဖော်ထုတ်မပြောဘဲနဲ့တော့ ဘယ်တော့မှ မဖြစ်နိုင်ဘူးပဲ၊ ဒါကြောင့် ပရမတ်တရားရဲ့ အမည်နာမကလေးတွေကို သတ္တဝါများနားလည်အောင် ထုတ်ဖော်ဟောပြောရလို့ အပြောပရမတ်လို့ ဆိုရင်လည်း မှန်တာပဲ။
ဟာ…စိတ် စေတသိက် ရုပ် နိဗ္ဗာန်….ဆိုတာ အမည်နာမ ပညတ်သာဖြစ်တယ်၊ ပရမတ်မဟုတ်ပါဘူးလို့ ဆိုရင်လည်း မှန်တာပဲ၊ အမည်ပညတ်တွေပဲကိုး။
ပရမတ် အစစ်ဆိုတာက သူ့ရဲ့ပြီးစီးမှုသဘောတရား ကိရိယာကလေး သက်သက်မျှကိုသာ ယူရတာဖြစ်တယ်။
ဒကာ။ ။ ပေါ်လွင်အောင် ရှင်းပြပါဦး ဆရာတော်၊ ဒကာကြီးနားလည်အောင် တိုတိုကျဉ်းကျဉ်းနဲ့ပေါ့ ဘုရား။
ဆရာ။ ။ စိတ်ပရမတ် ဆိုတာက အာရုံကိုသိခြင်း၊ ညွတ်ခြင်း သဘောကလေး သက်သက်မျှကိုသာ ဆိုတာ၊ စိတ်ဟာ ပညတ် အမည်မျှသာပဲ။
စေတသိက်တွေထဲကလည်း ဝေဒနာဟာ ပညတ်အမည်ပဲ၊ ပရမတ်အစစ်က ခံစားခြင်းသဘော ကိရိယာကလေးမျှသာ ဖြစ်တယ်။
သညာဟာလည်း ပညတ်အမည်သာပဲ၊ ပရမတ်အစစ်ကတော့ မှတ်သားခြင်းသဘော ကိရိယာကလေးကို ဆိုတာ ဖြစ်တယ်။
စေတနာစေတသိက် ဆိုတာလည်း နာမပညတ်ပဲ၊ ပရမတ်အစစ်ကတော့ အလုပ်ဖြစ်မှု စေ့ဆော်ခြင်းသဘော ကလေးမျှသာ ဖြစ်တယ်။
ရုပ်ဆိုတာလည်း နာမပညတ်မျှသာပဲ၊ ပရမတ်အစစ်က ဖေါက်ပြန်ပြောင်းလဲမှု သဘော ကလေးမျှ သက်သက်ပဲ။
နိဗ္ဗာန်ဆိုတာလည်း အမည်ပညတ်ပဲ၊ ပရမတ်အစစ်ကတော့ နိစ္စ သုခ အမြဲငြိမ်းအေးချမ်းသာမှု သဘော ကိုဆိုတာပဲ၊ ကဲ….ကျေနပ်ရဲ့လား၊ ပရမတ်ဆိုတာ အမည်နာမ အထည်ဒြပ် မရှိဘူး၊ သဘောကလေးသက်သက်ကို ယူရတယ်။
ဒကာ။ ။ မှန်ပါ့၊ သဘောပေါက် ကျေနပ်ပါပြီ ဆရာတော်။
သဿတဒိဋ္ဌိ ယူစွဲပုံ တိုတိုကလေးမေး။ ဥစ္ဆေဒဒိဋ္ဌိ ယူပုံ တိုတိုကလေးမေး
သဿတဒိဋ္ဌိ ယူစွဲပုံ တိုတိုကလေးမေး
ဒကာ။ ။ သဿတဒိဋ္ဌိသမားတို့ရဲ့ ယူစွဲပုံ အလွယ်ဆုံးတိုတိုနဲ့ နားလည်အောင် ပါဠိ အထောက်အထားကလေးနဲ့ ရှင်းပြပေးပါဆရာတော်။
ဆရာ။ ။ အဲဒီ….သဿတဒိဋ္ဌိသမားတို့ ယူစွဲပုံက အတ္တခေါ်တဲ့ အသက်ကောင် ငါကောင်ကလေးဟာ ကိုယ်ထဲမှာ အမြဲရှိနေတယ်၊ ဘယ်တော့မှ မသေမပျက်ဘူးလို့ ယုံကြည်စွဲယူ မှတ်နေကြတယ်၊ ပါဠိအထောက်အထားကတော့ ပေတဝတ္ထုပါဠိတော်မှာ….
ယထာ ဂါမတော နိက္ခမ္မ၊ အညံ ဂါမံ ပဝိသတိ။
ဧဝမေဝစ သော ဇီဝေါ၊ အညံ ကာယံ ပဝိသတိ။
တစ်ရွာမှ ထွက်သွားသော သူတယောက်ဟာ နောက်တရွာကို ဝင်သွားသလို အဲဒီအတိုင်းဘဲ၊ ဇီဝခေါ်တဲ့ အသက်ကောင် ငါကောင်ကလေးဟာလည်း ဒီခန္ဓာကိုယ်ထဲက နေပြီးတော့ ထွက်သွားကာ တပါးသော ကိုယ်ထဲ ဝင်သွားပြန်တယ်။
အဲဒီလို သည်ကိုယ်မကောင်း ဟိုကိုယ်ပြောင်းနဲ့ ကိုယ်အဟောင်းတွေ စွန့်စွန့်ပြီး အသစ်အသစ်ထဲ ပြောင်းပြောင်းနေတဲ့ ဘယ်တော့မှ မသေမပျောက်တဲ့ အတ္တကောင် ဇီဝကောင် လိပ်ပြာကောင် ကလေးရှိနေတယ်လို့ ယူစွဲနေတာဟာ သဿတဒိဋ္ဌိ အယူအစွဲပဲ၊ ကဲ…သဘောပေါက်ရဲ့လား၊ သူကချည်း ဒုက္ခပေးနေတာ၊ အဲဒါ အကြမ်းဖျင်း လူတိုင်းသိ အဖြေပဲ။
ဒကာ။ ။ သဘောပေါက်ပါတယ် ဆရာတော်၊ တယ်လည်းခိုင်မြဲတဲ့ အတ္တစွဲပဲနော်၊ ဒီ အတ္တက နေရာတကာ လိုက်ပါနေတာပဲကိုး။
ဥစ္ဆေဒဒိဋ္ဌိ ယူပုံ တိုတိုကလေးမေး
ဒကာ။ ။ ဥစ္ဆေဒိဋ္ဌိ ယူစွဲပုံကို တိုတိုကလေးနဲ့ လူတိုင်းနားလည်အောင် အကိုးအကား သာဓကများပြပြီး ရှင်းပေးပါ ဆရာတော်။
ဆရာ။ ။ အင်း….သူ့အယူကတော့ တဘဝစံ သက်သက်ပဲ စွဲယူထားတာဖြစ်တယ်၊ ဣတိဝုတ္တ ပါဠိတော်များမှာတော့…..
အယံ အတ္တာ ကာယဿ ဘေဒါ ဥစ္ဆေိဇ္ဇတိ၊
ဝိနဿတိ န ဟောတိ ပရံ မရဏာ။
ဤကိုယ်ကောင် သတ္တဝါကောင် အတ္တကောင်ဟာ သေသောအခါ၌ ပျက်စီးပြုန်းတီးလျက် သေပြီးတော့ နောက်တခါ ပြန်မဖြစ်တော့ဘူးတဲ့။ အဲဒါ ဥစ္ဆေဒဝါဒီတို့ အယူပဲ၊ နောက်ထပ် ပြောစရာမရှိဘူး၊ ဆက်မမေးနဲ့တော့ အဲဒီလိုပဲ ယူစွဲထားတယ်။
ဒကာ။ ။ မှန်ပါ့၊ မပြောတော့ပါဘူး ဆရာတော်၊ ရိပ်စားမိပါပြီ၊ ကွန်မြူနစ်ဝါဒတွေပဲ၊ တဘဝထဲသာ စွဲယူထားတာကိုး။
ဒကာ။ ။ သဿတဒိဋ္ဌိသမားတို့ရဲ့ ယူစွဲပုံ အလွယ်ဆုံးတိုတိုနဲ့ နားလည်အောင် ပါဠိ အထောက်အထားကလေးနဲ့ ရှင်းပြပေးပါဆရာတော်။
ဆရာ။ ။ အဲဒီ….သဿတဒိဋ္ဌိသမားတို့ ယူစွဲပုံက အတ္တခေါ်တဲ့ အသက်ကောင် ငါကောင်ကလေးဟာ ကိုယ်ထဲမှာ အမြဲရှိနေတယ်၊ ဘယ်တော့မှ မသေမပျက်ဘူးလို့ ယုံကြည်စွဲယူ မှတ်နေကြတယ်၊ ပါဠိအထောက်အထားကတော့ ပေတဝတ္ထုပါဠိတော်မှာ….
ယထာ ဂါမတော နိက္ခမ္မ၊ အညံ ဂါမံ ပဝိသတိ။
ဧဝမေဝစ သော ဇီဝေါ၊ အညံ ကာယံ ပဝိသတိ။
တစ်ရွာမှ ထွက်သွားသော သူတယောက်ဟာ နောက်တရွာကို ဝင်သွားသလို အဲဒီအတိုင်းဘဲ၊ ဇီဝခေါ်တဲ့ အသက်ကောင် ငါကောင်ကလေးဟာလည်း ဒီခန္ဓာကိုယ်ထဲက နေပြီးတော့ ထွက်သွားကာ တပါးသော ကိုယ်ထဲ ဝင်သွားပြန်တယ်။
အဲဒီလို သည်ကိုယ်မကောင်း ဟိုကိုယ်ပြောင်းနဲ့ ကိုယ်အဟောင်းတွေ စွန့်စွန့်ပြီး အသစ်အသစ်ထဲ ပြောင်းပြောင်းနေတဲ့ ဘယ်တော့မှ မသေမပျောက်တဲ့ အတ္တကောင် ဇီဝကောင် လိပ်ပြာကောင် ကလေးရှိနေတယ်လို့ ယူစွဲနေတာဟာ သဿတဒိဋ္ဌိ အယူအစွဲပဲ၊ ကဲ…သဘောပေါက်ရဲ့လား၊ သူကချည်း ဒုက္ခပေးနေတာ၊ အဲဒါ အကြမ်းဖျင်း လူတိုင်းသိ အဖြေပဲ။
ဒကာ။ ။ သဘောပေါက်ပါတယ် ဆရာတော်၊ တယ်လည်းခိုင်မြဲတဲ့ အတ္တစွဲပဲနော်၊ ဒီ အတ္တက နေရာတကာ လိုက်ပါနေတာပဲကိုး။
ဥစ္ဆေဒဒိဋ္ဌိ ယူပုံ တိုတိုကလေးမေး
ဒကာ။ ။ ဥစ္ဆေဒိဋ္ဌိ ယူစွဲပုံကို တိုတိုကလေးနဲ့ လူတိုင်းနားလည်အောင် အကိုးအကား သာဓကများပြပြီး ရှင်းပေးပါ ဆရာတော်။
ဆရာ။ ။ အင်း….သူ့အယူကတော့ တဘဝစံ သက်သက်ပဲ စွဲယူထားတာဖြစ်တယ်၊ ဣတိဝုတ္တ ပါဠိတော်များမှာတော့…..
အယံ အတ္တာ ကာယဿ ဘေဒါ ဥစ္ဆေိဇ္ဇတိ၊
ဝိနဿတိ န ဟောတိ ပရံ မရဏာ။
ဤကိုယ်ကောင် သတ္တဝါကောင် အတ္တကောင်ဟာ သေသောအခါ၌ ပျက်စီးပြုန်းတီးလျက် သေပြီးတော့ နောက်တခါ ပြန်မဖြစ်တော့ဘူးတဲ့။ အဲဒါ ဥစ္ဆေဒဝါဒီတို့ အယူပဲ၊ နောက်ထပ် ပြောစရာမရှိဘူး၊ ဆက်မမေးနဲ့တော့ အဲဒီလိုပဲ ယူစွဲထားတယ်။
ဒကာ။ ။ မှန်ပါ့၊ မပြောတော့ပါဘူး ဆရာတော်၊ ရိပ်စားမိပါပြီ၊ ကွန်မြူနစ်ဝါဒတွေပဲ၊ တဘဝထဲသာ စွဲယူထားတာကိုး။
ဈာန်ရတိုင်း ဈာန်ပျံနိုင်သလား။ ကမ္မဋ္ဌာန်းတရားတိုင်း ဈာန်ရနိုင်သလား
ဈာန်ရတိုင်း ဈာန်ပျံနိုင်သလား
ဒကာ။ ။ ဈာန်ပျံတယ် ဈာန်ပျံတယ်ဆိုတာ ဈာန်ရရင် ဈာန်ပျံနိုင်တာပဲ မဟုတ်လား ဆရာတော်၊ တချို့က ဈာန်ရတိုင်း ဈာန်မပျံနိုင်ဘူး ပြောကြလို့ပါ။
ဆရာ။ ။ အင်း…ဈာန်က ပျံနိုင်တာမှ မဟုတ်ဘဲဟာ၊ အဘိညာဉ်တန်ခိုးနဲ့ ပျံတာ၊ ဈာန်ရတော့ ဈာန်ပဲရှိမှာပေါ့၊ မပျံနိုင်ပါဘူး။
ဒကာ။ ။ ဒကာကြီးတို့ နားလည်အောင် ရှင်းပြပါဦး ဆရာတော်၊ ဒီအဖြေစကားဟာ ဒကာကြီးတို့ နားထဲမ၀င်ဘူး။
ဆရာ။ ။ ဈာန်ဆိုတဲ့ သမာဓိအလုပ်က ပထမ ဈာန်ကစပြီး ပဉ္စမဈာန်အထိ ငါးမျိုးရှိတယ်၊ အဲဒီငါးမျိုးထဲမှာ ပဉ္စမဈာန်ဟာ တန်ခိုးအကြီးဆုံးပဲ၊ တန်ခိုးကို အထောက်အပံ့ပေး စီရင်နိုင်တဲ့ ပဉ္စမဈာန်မျိုးကို ရထားရင် လောကကြီးထဲမှာ ကိုယ်ထင်ရာ ဖြစ်စတမ်းပဲ။
ဒကာ။ ။ ကိုယ်ထင်ရာဖြစ်စတမ်းဆိုတာလေးကို ရှင်းပြပါဦး ဘုရား၊ ရှုပ်သထက်ရှုပ်ကုန်ပြီ။
ဆရာ။ ။ မိမိပွားများတဲ့ ကမ္မဋ္ဌာန်းတရား အာရုံထဲမှာ သမာဓိအားက အထွတ်အထိပ်ရောက်ကာ တန်ခိုးအမျိုးမျိုးတွေ စီရင်နိုင်တဲ့ ဣဒ္ဓိဝိဓ အဘိညာဉ်ကိစ္စတပ်တဲ့ ပဉ္စမဈာန်မျိုး ရရှိထားသော ယောဂီဟာ အဲဒီ ပဉ္စမဈာန်နဲ့ ယှဉ်ပြီးတော့ဖြစ်တဲ့ အဘိညာဉ်ဣဒ္ဓိတန်ခိုးနဲ့ လိုရာအရပ်ကိုသွားနိုင်တယ်၊ လိုရာအသံကို ကြားနိုင်တယ်၊ သူတပါးစိတ်အစဉ်ကို သိနိုင်ခြင်း၊ ရှေးဘဝက ဖြစ်ပျက်ခဲ့တာတွေ သိနိုင်ခြင်း ဆိုတဲ့ လောကီအဘိညာဉ် ငါးပါးကို ဆိုတာပဲ၊ အဲဒီ အဘိညာဉ်တန်ခိုးတွေကို လူတွေက ဈာန်ပျံတယ် စသည်ဖြင့် အမှားမှားတွေ ပြောနေကြတာဖြစ်တယ်၊ ကဲ…ရှင်းပြီလား။
ဒကာ။ ။ ရှင်းပါပြီ ဆရာတော်၊ အမှန်က ဈာန်နဲ့စပ်တဲ့ အဘိညာဉ်တန်ခိုးတွေကိုး၊ ခုမှပဲ ကွဲပြားတော့တယ်။
ကမ္မဋ္ဌာန်းတရားတိုင်း ဈာန်ရနိုင်သလား
ဒကာ။ ။ ကမ္မဋ္ဌာန်းအားထုတ်ကြိုးစားရင် ဈာန်ရတာပဲ မဟုတ်လား၊ တချို့က ကမ္မဋ္ဌာန်းတိုင်း ဈာန်ရတာ မဟုတ်ဘူးလို့ ပြောနေကြလို့ပါ၊ ရှင်းပြပါဦးဆရာတော်။
ဆရာ။ ။ အင်း…ဟုတ်သားပဲ၊ ဈာန်မရနိုင်တဲ့ ကမ္မဋ္ဌာန်းတရားဆိုတာ ရှိတယ်လေ။
ဒကာ။ ။ ရှင်းပြပေးပါဦးဆရာတော်၊ တိုတိုနဲ့ နားလည်အောင်ပါဘုရား။
ဆရာ။ ။ အင်း…ကမ္မဋ္ဌာန်းလေးဆယ်ထဲမှာ (၁) ဗုဒ္ဓါနုဿတိ။ (၂) ဓမ္မာနုဿတိ။ (၃) သံဃာနုဿတိ။ (၄) သီလာနုဿတိ။ (၅) စာဂါနုဿတိ။ (၆) ဒေဝတာနုဿတိ။ (၇) ဥပသမာနုဿတိ။ (၈) မရဏာနုဿတိ။ (၉) အာဟာရေပဋိကူလသညာ။ (၁၀) စတုဓာတုဝဝတ္ထာန်၊ အဲဒီ ကမ္မဋ္ဌာန်းဆယ်ပါးကို အားထုတ်ပွားများတဲ့ ယောဂီဟာ ဈာန်မရနိုင်ဘူးတဲ့၊ မဂ်ဖိုလ်တော့ နီးစပ်တယ်။
ဈာန်ရနိုင်တဲ့ ကမ္မဋ္ဌာန်းကတော့ ကသိုဏ်းဆယ်ပါး၊ အသုဘဆယ်ပါး၊ ကာယဂတာသတိ တပါး၊ အာနာပါနနုဿတိ တပါး၊ ဗြဟ္မဝိဟာရ လေးပါး၊ အာရုပ္ပ လေးပါး၊ အဲဒီ ကမ္မဋ္ဌာန်းသုံးဆယ်ကတော့ ဈာန်ကိုရနိုင်တယ်တဲ့၊ လွယ်လွယ်နဲ့သိချင်ရင် သင်္ဂြိုဟ်ကျမ်းမှာကြည့်။
ဒကာ။ ။ မှန်ပါ့၊ ဒီလို လွယ်လွယ်နဲ့ ခွဲခြမ်း သိရလို့ ဝမ်းသာလှပါတယ် ဆရာတော်။
ဒကာ။ ။ ဈာန်ပျံတယ် ဈာန်ပျံတယ်ဆိုတာ ဈာန်ရရင် ဈာန်ပျံနိုင်တာပဲ မဟုတ်လား ဆရာတော်၊ တချို့က ဈာန်ရတိုင်း ဈာန်မပျံနိုင်ဘူး ပြောကြလို့ပါ။
ဆရာ။ ။ အင်း…ဈာန်က ပျံနိုင်တာမှ မဟုတ်ဘဲဟာ၊ အဘိညာဉ်တန်ခိုးနဲ့ ပျံတာ၊ ဈာန်ရတော့ ဈာန်ပဲရှိမှာပေါ့၊ မပျံနိုင်ပါဘူး။
ဒကာ။ ။ ဒကာကြီးတို့ နားလည်အောင် ရှင်းပြပါဦး ဆရာတော်၊ ဒီအဖြေစကားဟာ ဒကာကြီးတို့ နားထဲမ၀င်ဘူး။
ဆရာ။ ။ ဈာန်ဆိုတဲ့ သမာဓိအလုပ်က ပထမ ဈာန်ကစပြီး ပဉ္စမဈာန်အထိ ငါးမျိုးရှိတယ်၊ အဲဒီငါးမျိုးထဲမှာ ပဉ္စမဈာန်ဟာ တန်ခိုးအကြီးဆုံးပဲ၊ တန်ခိုးကို အထောက်အပံ့ပေး စီရင်နိုင်တဲ့ ပဉ္စမဈာန်မျိုးကို ရထားရင် လောကကြီးထဲမှာ ကိုယ်ထင်ရာ ဖြစ်စတမ်းပဲ။
ဒကာ။ ။ ကိုယ်ထင်ရာဖြစ်စတမ်းဆိုတာလေးကို ရှင်းပြပါဦး ဘုရား၊ ရှုပ်သထက်ရှုပ်ကုန်ပြီ။
ဆရာ။ ။ မိမိပွားများတဲ့ ကမ္မဋ္ဌာန်းတရား အာရုံထဲမှာ သမာဓိအားက အထွတ်အထိပ်ရောက်ကာ တန်ခိုးအမျိုးမျိုးတွေ စီရင်နိုင်တဲ့ ဣဒ္ဓိဝိဓ အဘိညာဉ်ကိစ္စတပ်တဲ့ ပဉ္စမဈာန်မျိုး ရရှိထားသော ယောဂီဟာ အဲဒီ ပဉ္စမဈာန်နဲ့ ယှဉ်ပြီးတော့ဖြစ်တဲ့ အဘိညာဉ်ဣဒ္ဓိတန်ခိုးနဲ့ လိုရာအရပ်ကိုသွားနိုင်တယ်၊ လိုရာအသံကို ကြားနိုင်တယ်၊ သူတပါးစိတ်အစဉ်ကို သိနိုင်ခြင်း၊ ရှေးဘဝက ဖြစ်ပျက်ခဲ့တာတွေ သိနိုင်ခြင်း ဆိုတဲ့ လောကီအဘိညာဉ် ငါးပါးကို ဆိုတာပဲ၊ အဲဒီ အဘိညာဉ်တန်ခိုးတွေကို လူတွေက ဈာန်ပျံတယ် စသည်ဖြင့် အမှားမှားတွေ ပြောနေကြတာဖြစ်တယ်၊ ကဲ…ရှင်းပြီလား။
ဒကာ။ ။ ရှင်းပါပြီ ဆရာတော်၊ အမှန်က ဈာန်နဲ့စပ်တဲ့ အဘိညာဉ်တန်ခိုးတွေကိုး၊ ခုမှပဲ ကွဲပြားတော့တယ်။
ကမ္မဋ္ဌာန်းတရားတိုင်း ဈာန်ရနိုင်သလား
ဒကာ။ ။ ကမ္မဋ္ဌာန်းအားထုတ်ကြိုးစားရင် ဈာန်ရတာပဲ မဟုတ်လား၊ တချို့က ကမ္မဋ္ဌာန်းတိုင်း ဈာန်ရတာ မဟုတ်ဘူးလို့ ပြောနေကြလို့ပါ၊ ရှင်းပြပါဦးဆရာတော်။
ဆရာ။ ။ အင်း…ဟုတ်သားပဲ၊ ဈာန်မရနိုင်တဲ့ ကမ္မဋ္ဌာန်းတရားဆိုတာ ရှိတယ်လေ။
ဒကာ။ ။ ရှင်းပြပေးပါဦးဆရာတော်၊ တိုတိုနဲ့ နားလည်အောင်ပါဘုရား။
ဆရာ။ ။ အင်း…ကမ္မဋ္ဌာန်းလေးဆယ်ထဲမှာ (၁) ဗုဒ္ဓါနုဿတိ။ (၂) ဓမ္မာနုဿတိ။ (၃) သံဃာနုဿတိ။ (၄) သီလာနုဿတိ။ (၅) စာဂါနုဿတိ။ (၆) ဒေဝတာနုဿတိ။ (၇) ဥပသမာနုဿတိ။ (၈) မရဏာနုဿတိ။ (၉) အာဟာရေပဋိကူလသညာ။ (၁၀) စတုဓာတုဝဝတ္ထာန်၊ အဲဒီ ကမ္မဋ္ဌာန်းဆယ်ပါးကို အားထုတ်ပွားများတဲ့ ယောဂီဟာ ဈာန်မရနိုင်ဘူးတဲ့၊ မဂ်ဖိုလ်တော့ နီးစပ်တယ်။
ဈာန်ရနိုင်တဲ့ ကမ္မဋ္ဌာန်းကတော့ ကသိုဏ်းဆယ်ပါး၊ အသုဘဆယ်ပါး၊ ကာယဂတာသတိ တပါး၊ အာနာပါနနုဿတိ တပါး၊ ဗြဟ္မဝိဟာရ လေးပါး၊ အာရုပ္ပ လေးပါး၊ အဲဒီ ကမ္မဋ္ဌာန်းသုံးဆယ်ကတော့ ဈာန်ကိုရနိုင်တယ်တဲ့၊ လွယ်လွယ်နဲ့သိချင်ရင် သင်္ဂြိုဟ်ကျမ်းမှာကြည့်။
ဒကာ။ ။ မှန်ပါ့၊ ဒီလို လွယ်လွယ်နဲ့ ခွဲခြမ်း သိရလို့ ဝမ်းသာလှပါတယ် ဆရာတော်။
ကမ္ဘာလောကကြီးကို ဖန်ဆင်းပေးသူ အစစ်အမှန်ဟာ ဘယ်သူလဲ
ကမ္ဘာလောကကြီးကို ဖန်ဆင်းပေးသူ အစစ်အမှန်ဟာ ဘယ်သူလဲ
ဒကာ။ ။ ပင်လယ် သမုဒ္ဒရာ ရေ မြေ တော တောင် ခေါ်ဆိုကြတဲ့ သြကာသလောက ဖြစ်တဲ့ ဤကမ္ဘာကြီးနဲ့ ကမ္ဘာပေါ်၌ နေထိုင်ကြတဲ့ ကမ္ဘာသား သတ္တဝါများ ဖြစ်ပေါ်လာအောင် ဘယ်သူက စီမံ ဖန်ဆင်းပေးပါသလဲ ဆရာတော်၊ ဖန်ဆင်းပေးနိုင်တဲ့ စွမ်းအင်တန်ခိုးရှင်ဆိုတာ ရှိပါသလား ဘုရား။
ဆရာ။ ။ အင်း….ဒီကမ္ဘာလောကကြီးနဲ့ ကမ္ဘာသူ ကမ္ဘာသား သတ္တဝါများ ဖြစ်ပေါ်လာမှုကို ဖန်ဆင်းစီမံပေးနေတဲ့ စွမ်းအင် တန်ခိုးရှင်များ ရှိတယ် ဒကာကြီးတို့၊ ဖန်ဆင်းမှုရှိလို့ ဖြစ်လာရတာပေါ့။
ဒကာ။ ။ ရှိရင် တပည့်တော်များသိရအောင် မိန့်ကြားတော်မူပါ ဆရာတော်၊ အစစ်အမှန်ကိုသာ သိထားချင်လို့ပါ ဘုရား။
ဆရာ။ ။ အင်း…ကမ္ဘာလောကကြီး ဖြစ်ပေါ်လာပုံ နည်းတွေ ဘယ်လောက်ပဲများများ အစစ်အမှန်ကတော့ တခုတည်းသာ ဖြစ်ရ ရှိရမှာပေါ့။ တချို့ဘာသာဝင်တွေကလည်း သူတို့ရဲ့ အပူဇော်ခံ ဗုဒ္ဓဖြစ်တော်မူတဲ့ တန်ခိုးရှင်ကြီးတွေက စီမံဖန်ဆင်းပေးလို့ ဖြစ်ပေါ်လာတာဟု စွဲယူ ယုံကြည်ကြတယ်။
သမ္မာဒိဋ္ဌိ ဘာသာဝင်တို့ကတော့ သဗ္ဗညုဗုဒ္ဓရဲ့ မုက္ခပါဌ်တော်အတိုင်း ကံ စိတ် ဥတု အာဟာရ ဤသဘာဝတရားကြီးလေးပါးက စီမံဖန်ဆင်းပေးလိုက်တဲ့ ကမ္ဘာလောကကြီးဘဲဟု စွဲယူယုံကြည်ကြတယ်။
အဲဒါဟာ အစစ်အမှန်ပဲ၊ ဒါထက်ပိုပြီး မကြံစည်နဲ့တော့၊ သတ္တဝါတွေက ကံနဲ့ စိတ်ကောင်းရင် ကောင်းတဲ့ဥတုနဲ့ ကောင်းတဲ့အာဟာရတွေ ဖြစ်ပေါ်လာတာပဲ၊ မကောင်းတဲ့ ကံ စိတ်တွေ ပြုလုပ်ဖြစ်ပေါ်နေရင် မကောင်းဆိုးဝါးတဲ့ ဥတုနဲ့ အာဟာရတွေချည်း ဖြစ်ပေါ်လာတာပဲ၊ ကဲ…အဲဒါပဲ၊ တကယ်ဆို ဖန်ဆင်းနိုင်တဲ့ မိမိကိုယ်တိုင်က တန်ခိုးရှင်ပဲဟာ အကောင်းချည်းပဲ ဖန်ဆင်းပေးပါလား၊ ခုတော့ကာ အင်း…စဉ်းစားကြည့်ကြပေါ့။
ဒကာ။ ။ ဒီလို အမှန်သိရတာ ကျေးဇူးတင် ဝမ်းသာပါတယ် ဆရာတော်။
ဒကာ။ ။ ပင်လယ် သမုဒ္ဒရာ ရေ မြေ တော တောင် ခေါ်ဆိုကြတဲ့ သြကာသလောက ဖြစ်တဲ့ ဤကမ္ဘာကြီးနဲ့ ကမ္ဘာပေါ်၌ နေထိုင်ကြတဲ့ ကမ္ဘာသား သတ္တဝါများ ဖြစ်ပေါ်လာအောင် ဘယ်သူက စီမံ ဖန်ဆင်းပေးပါသလဲ ဆရာတော်၊ ဖန်ဆင်းပေးနိုင်တဲ့ စွမ်းအင်တန်ခိုးရှင်ဆိုတာ ရှိပါသလား ဘုရား။
ဆရာ။ ။ အင်း….ဒီကမ္ဘာလောကကြီးနဲ့ ကမ္ဘာသူ ကမ္ဘာသား သတ္တဝါများ ဖြစ်ပေါ်လာမှုကို ဖန်ဆင်းစီမံပေးနေတဲ့ စွမ်းအင် တန်ခိုးရှင်များ ရှိတယ် ဒကာကြီးတို့၊ ဖန်ဆင်းမှုရှိလို့ ဖြစ်လာရတာပေါ့။
ဒကာ။ ။ ရှိရင် တပည့်တော်များသိရအောင် မိန့်ကြားတော်မူပါ ဆရာတော်၊ အစစ်အမှန်ကိုသာ သိထားချင်လို့ပါ ဘုရား။
ဆရာ။ ။ အင်း…ကမ္ဘာလောကကြီး ဖြစ်ပေါ်လာပုံ နည်းတွေ ဘယ်လောက်ပဲများများ အစစ်အမှန်ကတော့ တခုတည်းသာ ဖြစ်ရ ရှိရမှာပေါ့။ တချို့ဘာသာဝင်တွေကလည်း သူတို့ရဲ့ အပူဇော်ခံ ဗုဒ္ဓဖြစ်တော်မူတဲ့ တန်ခိုးရှင်ကြီးတွေက စီမံဖန်ဆင်းပေးလို့ ဖြစ်ပေါ်လာတာဟု စွဲယူ ယုံကြည်ကြတယ်။
သမ္မာဒိဋ္ဌိ ဘာသာဝင်တို့ကတော့ သဗ္ဗညုဗုဒ္ဓရဲ့ မုက္ခပါဌ်တော်အတိုင်း ကံ စိတ် ဥတု အာဟာရ ဤသဘာဝတရားကြီးလေးပါးက စီမံဖန်ဆင်းပေးလိုက်တဲ့ ကမ္ဘာလောကကြီးဘဲဟု စွဲယူယုံကြည်ကြတယ်။
အဲဒါဟာ အစစ်အမှန်ပဲ၊ ဒါထက်ပိုပြီး မကြံစည်နဲ့တော့၊ သတ္တဝါတွေက ကံနဲ့ စိတ်ကောင်းရင် ကောင်းတဲ့ဥတုနဲ့ ကောင်းတဲ့အာဟာရတွေ ဖြစ်ပေါ်လာတာပဲ၊ မကောင်းတဲ့ ကံ စိတ်တွေ ပြုလုပ်ဖြစ်ပေါ်နေရင် မကောင်းဆိုးဝါးတဲ့ ဥတုနဲ့ အာဟာရတွေချည်း ဖြစ်ပေါ်လာတာပဲ၊ ကဲ…အဲဒါပဲ၊ တကယ်ဆို ဖန်ဆင်းနိုင်တဲ့ မိမိကိုယ်တိုင်က တန်ခိုးရှင်ပဲဟာ အကောင်းချည်းပဲ ဖန်ဆင်းပေးပါလား၊ ခုတော့ကာ အင်း…စဉ်းစားကြည့်ကြပေါ့။
ဒကာ။ ။ ဒီလို အမှန်သိရတာ ကျေးဇူးတင် ဝမ်းသာပါတယ် ဆရာတော်။
Subscribe to:
Comments (Atom)